I de letschte 10 Täg isch vieles passiert. I ha der Simon es paar Mal dörfe schössele u schöppele u bi sogar mit ihm is Shoppyland.
Am Mändig het der M@i Färnstudium u cha mit sym Laptop bi mir sy u öppis wärme und ergänze.
Am Zischtig tuet d'Flavia Daheime öppis Choche u bringt's, samt de Kidds zu mir.
Am Mittwuch darf ig zur Nachbarin. Die Wuche het d'M. e feini asiatischi Rüeblisuppe g'kochet. Am Donnstig isch "Räschtewärmitag".
Am Frittig vor re Wuche het mir D'M. vo Mels aaglütte öb si zwe Täg zu mir dörfi cho. Si heigi grad kener Termine u wett mi so gärn ume eis gseh u mit mir brichte. I ha se gfragt öb si grad vier Täg chönni blybe. Si isch mir cho wi grüeft. I ha gwüsst, dass der Kurt am Mändigmorge früeh mit em Zug nach Klote wärdi fahre für uf ne Flüger nach Portugal. Är isch nähmlech für vier längi Täg mit sym Seniorchef uf ne Gschäftsreis, go Lieferante bsueche. Die Täg si du mit der M. einiges Kürzer gsy.
Si het i dere Zyt zu ihrer Fröid, all myner vier Kinder gseh. Si kennt se halt scho sehr lang. Mir hei se glehrt kenne wo ihre Suhn u paar vo myne Kids ir Pubertät sy gsy... Mir si alli froh isch die Zyt verby gange...
Am Frittig, so wi Hüt, wüu d'M. ume Hei gangen isch, darf ig zur Nachbarin go ässe.