Eigetlech isch es my füft Änkel aber d'Gschicht vom Jamie wett ig nid zum x. Mal verzelle. Är isch eifach o üse.
Ja, i ha ne dörfe go luege dä chly u wunderschön Büebu. Ja, er isch chly z'früeh cho u so müesse mir bätte, dass syni Bilirubinwärte besser wärde damit Är Morn mit em Mami Hei darf.
Myni Cousine d'E. isch syt Gester da gsy. Es isch schön gsy ume chly z'pläuderle. Si isch i der Zyt wo mir uf Bärn sy, zur Grandmaman.
Ja, Tod u Geburt sy nach bynang u ghöre eifach zu üsem Läbe. I ha hüt am Nami, per Lifestream ar Truurfyyr vom Dominik Strahm chönne teilnäh. Ja, so wie ig s'Gotti vo ihre bi worde, e so isch Är, als Schwager, ihre Götti gsy. Am Sunndig het si Konf. Bitte bättet, dass ig denn fit bi u lang mag!
https://www.youtube.com/live/hWR-KPkIgN8?feature=share