Ja, du lisisch richtig...i ha der PIC usegschrisse...es isch e Schock gsy...Wie het o das chönne passiere?! I ha's würkech nid gschpürt. I bi ufgstande u uf's WC u won ig zrüggcho bi, isch es eifach näb em Bett am Bode gläge. Es het mir gar nid weh tah bym usegheie u s'het nid e Mal würklech blüetet... Es het mir vo Afang aa immer e chly weh tah. Vielecht han ig's im Ungerbewusstsy äxtra usegschrisse...
Der Anästesist isch cho luege mit em Ultrashall u het gmeint d'Vene syge beleidiget. Es chönni Wuchene lang gah bis si sech erholt heige u me ume ne PIC chönni setze...
Der Chirurg isch o cho u het syni Bedänke g'üsseret wägem Setze vom ne Port wo de eher schwierig wärdi sy...
Es het sech plötzlech d'Frag gstellt, öb das Ketamin de würklech nötig sygi. I bi plötzlech gar nüm so sicher. I ha's drum z'ersch für 24 Stund lah halbiere u nächär, nach 24 Stund ganz abgsetzt. Bis jetz sy d'Schmärze nid extrem ufe gange. I warte no bis Morn u we da ke grossi Änderig u Daheime s'Meischte organisiert isch, de gahn ig Hei. D'Spitex chunnt sicher gärn cho hälfe...
Also, das Mal sötti's klappe für Hei...