Ja, es isch sy meh aus zwe Wuche won ig da bi. Hüt isch ändlech dä PIC yne cho. I ha vor zwöi Jahr o scho eine im Arm gha u das fasch am glychen Ort. Si hei fei g'üebt, bis si ne hei d'ynne gha. I bi rächt lang im OP gsy. D'Ärztin wo ne het yne bracht het vier Mau der Chittu gwächslet. Jedesmau het si mindestens es Kilo Material bruucht wo alles nächär i Ghüder gwanderet isch. Das het mi grad e chly gschöcklet! I ha fasch e chly der Verdacht, dass mir Schwyzer Mau wärde grösseri Probleme übercho mit üsere übertriebene Hygiene. E so gseht er uus dä PIC, da uf em Fötteli. Dä sött jetz ume nes Haubs Jahr d'ynne blybe.
I ha Hüt schmärzhaft myni Gränze gschpürt. I bi nach em Ylege vom PIC so KO gsy, dass ig nid e Mau d'Physio ha möge mache. I ha nämlech Bsuech erwartet u ha gmerkt, dass ig myni Energie muess yteile. Eh ja, das lehrt eim...U so sägen ig jetz gueten Abe u später guet Nacht.