Am Mändig han ig i d'Insle zum Ultraschall mitdörfe. Es isch mega faszinierend gsy, uf der Wand mit em Beamer vergrösseret, alles dörfe mit z'verfolge. S'Baby het di ganz Zyt düümelet...s'isch sooo härzig gsy...
Am Valentinstag hei mir, nach em Zmittag, der Peschen im Bärau abgholt u sy mit ihm uf Lützuflüeh go bade. uh, het das guet tah! Aaschliessend, si mir is Bahnnhöfli uf Zäziwil, go s'Zvieri ässe. Am Pesche syni Schwöschter isch no derzuegstosse. Es isch e gmüetlechi Rundi gsy. Won ig du fasch nümm ha gwüsst wie hocke, sy mir gäge Bigle zue. Der Pesche isch glücklech gsy, e "Bud Spencer" Film dörfe z'luege und ig ha ume chönne liege. Nach em ne feine Znacht vom Maa, isch der Pesche de ume Hei.
I ha s'Gfüehl gha, es sygi im Rügge allles verchrampft, es so dass ig es Entspannigsmittu bruuchti. I ha scho am Wuchenändi dermit aagfange. S'komischen isch gsy, dass es mir immer wi schlächter gangen isch...Das isch mir plötzlech letschti Nacht bewusst worde. I ha jetz keni meh gnoh... luege mer, was druus wird...