Ja, es isch ume besser. I ha am Donnstig, Gott syg Lob u Dank, in Burgdorf e Termin gha u bi würklech syder besser zwäg. Am Frittig hei mir ab de Füfe Bsuech gha vor R. u vom P. Si hei feiiini Züpfe u Wyy bracht. Es isch e gmüetlechen Abe gsy. Es isch mir zuesehends immer besser gange.
SO SCHAAAD ! ! ! D'CANTINA HET USDRINKET GHA ! ! !
Da ig eh nüt ha chönne schlafe, bin ig du am Morgen am zwöi no abe gange. I cha's nid verstah, eh ja, i verstah no vieles nid uf üsere Wält. Es cha sy, dass si gly e gueti Lösig hei. Ig wünsche's ihne uf all Fäll.
Gester am Abe sy mir bi M.u T. zum Znacht yyglade gsy. Ig bi bis mir gange sy, am Schlafe gsy. I ha's erstuunlechewys fei lang usghalte, sogar bis zur feiiine Geburtstags Turte!
Hüt isch i üser Chiuche bekannt ggäh worde, dass der eint vo üsne Pastore nümme wird bi üs schaffe. Är isch im Momänt krank gschrybe. So schaaaad!
Der M@i het mit üs Zmittag ggässe. Das het grad guet tah.
Am Nami han ig's sogar gschafft, mit mym Schatz, ar Sunne uf em Sportplatz go z'Loufe. Es isch nid wyt gsy, het aber sooo guet tah!
Hinecht hei mir "SCRABBLET" Uh, het mir das s'Hirni erläse...