Vo überall här hei sech liebi Fründe gmäldet, won ig paar Täg nüm gschriebe ha. Vor allem wüeu ig nid so zwäg bi. Ja, i merke, dass umen öppis gangen isch i mym Körper. Was mir uf der rächte Syte so weh tuet, öppe wi starchs Syte stäche, chönnt d'Ufhänkig vor Läbere sy. Das verursacht bi mir bis Lähmigen im Bei. Ungerdessi han ig byr rächte Backe, ungerem Ohr u im Äcke links u jetz o rächts mehreri Lymphknote wo hert sy worde. D'Kopfhut tuet mir spanne u weh u vereinzelt han ig entzündeti Blätze u Blüttine wo mi störe. I weiss mängisch nümm wie strähle u bi denn froh mi schön Huet won ig uf üsem letschte Tessin Ufenthalt ar Piazza Grande poschtet ha a z'lege.
I weiss, dass üse Gott cha heile u bi überzügt, dass üsi Gebät bi Ihm aachöme. Es tuet mir guet, z'vernäh vo wo alles, liebi Fründe für mi bätte.
Bitte fahret wyter. Ig bi froh, dass dir tüet!
Sider as ig Basepulver u Ängelwurz, am Morge no mit Power4you im Saft nime geit's mir besser und i ha nümme müesse göögge...