Die Wuche het's mi rächt im Griff gha, das blöde Gögge. Es isch halt so, wenn ig es Medi am umstelle bi, de tuet my Mage reagiere.
Wäg myne starke Schmärze, muess ig Morphium näh. Mi Körper het sech leider am einte Mittu e so gwöhnt, dass es nüme gnueg nützt. Mir chöi d’Dosis nid erhöhe, wüu ig scho am obere Limit vor prüefte Dose aaglangt bi. I ha mit em ne andere Mittu gstartet wo me no stärche cha dosiere. Jetz tuen ig mit em einte abe u mit em Andere ufe fahre…
Am Mittwuch am Morge sy mir uf Bärn. Der Kurt het e Termin gha. Da han ig o z'erscht müesse gögge. Klar, wenn är uf Willisou isch go schaffe, de bin ig nid mit. U wenn er hie im Büro isch gsy, de han ig ne nid geng gstört. Es isch jede Tag s'Glyche gsy...
I ha mir's doch nid lah näh, dass ig dennoch mit mym Maa furt bi.
Geschter sy mir uf Thun go nichts Tun. Chuum si mir furt gfahre, nid e Mal vom Grundstück wäg, da han ig müesse der Kurt lah aahalte, bi usgstiege u ha das Tonic won ig gnoh ha gha wieder müesse uselah...Es het mir nächär gwohlet...Mir si du id'Chilllounge go s'Zmittagässe.
Hüt am Morge tuen ig Tee trinke, statt Kaffi. Es muess ufhöre, das gögge...