Am Sunndig Morge het's im Hotel wo mir si gsy, en Andacht ggäh. Hüt heisst das Meditation...Es isch ganz schön gsy! Di Dame wo's gleitet het isch sich's gwöhnt gsy mängisch sogar alleini dört z'höckle. Mir hei zäme zwöi Wiehnachtslieder gsunge. Si het e churzi Gschicht vorgläse u mir hei, nachdäm si frei bättet het, no zäme s'Unser Vater bättet. Am Schluss hei mir no paar Wort ustuuschet u si het üs danket, dass mir zwöi si da gsy.
Da s'im Tessin vom Samstig aa di ganz Zyt grägnet het u der Kurt am Mändig in Willisou het müesse schaffe, si mir am Sunndig gägen Abe Hei gfahre. Mir hei gnädigerwys d'Kurtaxe u s'Zmorge vom Mändig nid müesse zahle.
Uf em Heiwäg si mir no hurti in Zell bi der Portugisin go alles bstelle für's Wiehnachts u grad no s'Abschiedsässe vom Kurt am 22. Dezämber.
Am Mändig bin ig vorwiegend glägen u ha zwüschyne gwöschet.
Geschter isch Bsuech vom Oberland da gsy. Si het das Bolero u die Mitli won ig o a de Wadli cha trage äxtra für mi glismet. Si isch eini vo dene für mi Bättende wo's bewürke, dass ig no da cha si. ALLNE SÄGEN IG GANZ HÄRZLECHE DANK!