Ja, Geschter hei si züglet. Ab Hüt sy d'Bürorüüm vo d'Unger frömdvermietet. My Maa het sys Büro teilt. Ei Teil isch uf Willisau zur Kasper Holding AG u der anger Teil i myni Stube. I muess mi ab sofort draa gwöhne dür e Tag allei z'sy. I weiss, es geit de meischte Husfroue so...I ha früecher o eifach chönne gah. I bi aube o fasch nie dür e Tag Daheime gsy. Hüt muess ig myni Kräft yyteile u cha nüm eifach gah... Jetz chunnt de myni Fründin d'R. mit e paar Kiddies wo si dür e Tag goumet. I muess de luege, dass si zu de Spielsache chöi, hinger em Aquarium.
Hüt am Namittag wird mi der David hole für i Zirkus vor 1. Klass wo d'Jael wird spiele. Am Füfi sy mir bi A. u U. zum Znacht yyglade.
Morn hei der Kurt u ig im Sinn bis am Mändig is Tessin z'fahre. I fröie mi!