Am letschte Donnstig bin ig zur C. uf Burgdorf. Si het mi innert kurzer Zyt ume chönne deblockiere.
S'Erbräche vor letschte Wuche het mi Thorax völlig verdräit. I bi ihre sehr dankbar, het si mi schnäll wider i di richtigi Position bracht.
Am Frittig isch üse Jüngscht 25i worde. Es tüecht mi, es sygi erscht Vorgeschter gsy, won är am Morge früeh ungerem Lavabo, uf em Mätteli uf d'Wält cho isch...
Är het s'Ganze Fescht innert kürzischte Zyt oganisiert gha. Es isch brätlet worde u Fründe u Schwägere hei ghulfe mit Salät. Es het richtig gfägt! Si hei s'Bädli ufgheizt gha, hei aber erscht am Samstig nach em Ufruume dry möge. Si hei derzue e Serie gluegt. Das isch de mit em ne Beamer a d'Wand vor Bude projiziert worde. Der Kurt het der ganz Samstig Gmeindeleitigs Retraite gha. Geschter bin ig umen eis i Gottesdienscht ar Burgdorfstrass 10. Es isch schön gsy ume eis myni Gschwüschterti z'gseh.