Am Mändig han ig mi rächt still gha.
Am Zischtig isch Wöschtag gsy, nume drü Trummle u nid e Mal voll aber d'Maschine tuet ja wäge u dernah kürzer oder länger wäsche...Zum Zmittag het's zwe Manne meh am Tisch gha. I ha bau Stress gha mit em Zmittag choche. Da bin i froh gsy um Hilf...Am Namittag isch d'M. cho "Füessle" si het mir d'Füess massiert.
Am Mittwuch han ig äuä z'viel gmacht: uf Worb go ychoufe, i d'Zoom Pouse u nächär vor em Fernseh ygschlafe. Am 11.20 afa Zmittag choche. Es isch no Hilf cho. Gäg di Zwöi han ig d'Mamie gholt u bi no hurti für si go Socke poschte. Mir sy du zäme a Träff wo mi öpper erwartet het won ig per Telefon dört häre bstellt ha gha. Öppis nach de Dreie bin ig fasch ab em Stängeli gheit u ha d'Mamie Hei gstellt u bi sälber o grad go liege.
Der geschtrig Tag isch so eine wo me sauft hät chönne stryyche. I ha vom Morge bis am Abe spät erbroche u d'Medis gäge s'Erbräche hei nüt meh gnützt.
I ha no Hüt Muskukater im Thorax. Ja, Hüt han ig ussert liege, telefoniere, am Nami no chly Fernseh luege u jetz no schriebe nid viel gmacht. S'Ässe u s'Trinke sy mir ume blybe. Am Mittag han ig äuä e chly z'schnäll ggässe, dass es mir kurz übu isch gsy. I ha's mit Konzentration u i Buuch yne schnuufe s'gööge chönne verhindere. Hinecht gahn ig gly ungere.