Geschter isch s'Wätter nid viel besser gsy als jetz. Das het üs nid gstört, wüu mir uf Wilderswil sy go s'Zmittag ässe. Der Peschen u ig hei üs e Röschti teilt. Der Richie macht di beschte Röschti. Das stört der Pesche gar nid, wieder Röschti z'übercho. Är chönnti guet vo Röschti läbe. Es het feine Rahmspinet u nes Fleischspiessli derzue ggäh. Nach em Ässe bin ig fasch ab em Stängeli gheit. I bi e sooo müed gsy, dass ig der ganz Heiwäg verschlafe ha. Daheime aacho, bin ig sofort uf mys Spitalbett go liege. I ha du näb em Pesche no chly Fernsee gschlafe...
Hüt git's de Läben ir Bude. Di meischte vo üsne Junge sy letscht Nacht Heicho u chöme de cho Zmitag/Zvieri ässe. I bi Hüt ume eis froh, zwöi Öfe z'ha. De isch s'Fleisch im Einte am niedergare u im Andere, s'Gmües am dämpfe. Später tuen ig de beidi Öfe ufdräie u so wird's de guääät!
Häbet e schöne Sunndig. I gloube, d'Sunne chunnt gly!