Ir letschte Wuche han ig weni fixi Termine gha. Am Mittwuch i d'Livenet Pouse, am Nami is Mosaik ah nei, s'heisst ja jetz nume no ikut...go nes Bsüechli mache, am Frittig i d'Osteopathie. Am Samstig isch e spannende Inspirationstag gsy vor interkulturelle Community vor BewegungPlus u das i de Rüüm wo my Brüetsch der Jonathan syni Elisa Olga ghürate Hei.
Gester hei mir en Usflug mit der BewegungPlus Konolfinge gmacht, mit em Car uf Chillon, dört bin ig mit em Mamie ir Cafeteria go s'Schloss bsueche mit Bild u Ton am ne Compi...Am viertu vor Eis, sy mir bis uf Montreux uf s'Schiff u vo dört ume mit em Car Hei. S'Znacht hei mir in Mühlebärg gha...üsi Familie isch fasch komplett derby gsy. Es isch e wunderschöne Tag gsy!
Ja i 35 Jahr passiert fei viu! Vier wunderbari Kinder, fasch z'Jahrewys vier o wunderbari Schwiegerkinder u syder Füf Grosskinder. I würd sofort wider der Kurt Christian Bläuer hürate. Das isch s'Beschte wo mir het chönne passiere.
Mir göh Hinecht mit üsne Gschwüschterti dört go ässe wo mir üs z'erschte Mal gseh hei. Im DeltaPark, Gwatt. Denn isch es no die reformierti Heimstätte u mir sy am ne Musiker Workshop gsy...Das isch aber scho fasch Vierzg Jahr här...
D'Fötteli tuen ig später dry. I muess jetz gah...