D'Sarah der Kurt u ig sy vor Cousine vom Kurt zum Zmittag yglade worde. Da mir ir Markthalle vom Bärou, ir Stiftig LäbensArt wo der Peter daheimen isch ggässe hei, het d'A. ihn o grad derzue yglade. Am viertu ab eis isch s'Ganze losgange. Es isch hoch spannend gsy chönne zue z'luege u am Profi zuelose weli Mischig vo Metal da zäme muess für ne guete Ton...Es blybt sys Gheimnis, weli Legierig. Die Forme u Löcher wo da müesse minuziös us Sand gmacht wärde. Nächär s'Heize vom Metal u wenns gnueg flüssig isch s'Giesse i dä Zwüscheruum...tüecht mi e wahri Kunscht. S'Schlyfe vor Glogge tüecht mi o no grad so schwierig! D'A. het vor allem bym aaschrybe u Giesse ihres chönne derzue tueh. Der Spruch wo si gwählt het isch wunderschön: Lachen ist die Musik der Seele.
Es isch e glungnige Namittag gsy u der Peter het mega Fröid gha.