Di letschte Täg si nid so schnäll düre. I bi mi nämlech immer no vom Wuchenändi am erhole. Der R. isch vom Sunndigabe bis gester am Morge da gsy. De isch auben am Fyrabe geng öppis gloffe. I bi süsch fasch di ganz Zyt am liege gsy.
Gester han ig zwöi Plätz uf der Trbünen bym Theater "d'Käserei ir Vehfreud" in Affoltere reserviert gha.
Der R. u d'E. wohne in Affoltere, drum han ig üs bi ihne zum Znacht yglade...Si het mir scho lang gseit, mir sölle si Mau bsueche. Es het scho uf em Hi-Wäg graägnet. Mir sy uf di Sächse, pünktlech bi ihne aacho. Es isch e gmüetlechi Rundi gsy bis es het afa blitze u tonnere. I cha mir nid vorstelle, dass si s'Theater hei dürezoge, obwohl no Hüt am Morge uf ihrer Syte gstanden isch d'Vorfüehrig vom 17.8.2022 findi statt da d'Landi Wätter App mäldi es blybi zur Spielzyt in Affoltere no troche. Ah, jetz steit doch dört: "Die Vorstellung vom 17.8.2022 fiel dem Gewitter zum Opfer. Bitte reservieren Sie sich neu Plätze."
I ha z'Gfüehl, dass so viel Lüt für Räge bättet hei, dass es het müesse cho...Es hät doch gwüss no paar Stund möge gwarte... Aber zum Glück steit da öpper drüber!
Mir hei aber im Sinn Morn i Süde z'fahre. I schrybe de wieder we mir zrügg sy.