I ha am 4. der Bricht nid veröffentlecht ga, drum isch dä nid sichtbar gsy...sorry...
Am Donnstig bin ig mit em M@i u der Sabrina am Namittag go d'Grandmaman bsueche. Es git dört feini Glace. Si het mega fröid, jedesmal!
Es geit mir den Umständen entsprächend guet. I ha zwar ir Nacht Müeh mit em Schnuufe u muess aube Mo-Tröpfli näh. Wi süsch aube, tuen ig mi ablänke i däm ig s'Läbe gniesse.
Gester isch my Maa mit mir mit em Cabrio uf Aarbärg. Dört hei mir näb der Holzbrügg vor alte Aare im Brüggli fein Zmittag ggässe. Am Nami sy mir bi Fründe go nes Bsüechli mache. Si sy vor paar Wuche vom Ämmital is Seeland zoge. Si hei Fröid gha.
I bi nächär go liege, 'ha nümm möge...
Hüt hei mir mit em Stephan u de Buebe abgmacht für a Märit uf Hettiswil. Üsi Fründe hei dört e Stand mit Steimännli gha. D'Manne sy zäme go ässe und ig bi nächär mit ihre o go ässe. Es het mi uuu gfröit e früecheri Biglere z'gseh. Ihre Sohn isch mit üsem David i d'Schuel. Es isch schön gsy mit ihre z'brichte. Am Namittag sy si da blybe. D'Flavia, der M@i u syni Sabrina u später no d'Sarah alli sy da gsy...I bi immer wieder go liege. Jetz gahn ig de go liege, i bi richtig flatü...