Di letschte Täg han ig nid möge...
Hüt hei mir in Thun müesse s'Outo go tuusche. Syt Gester hei mir en Ersatzchare gha. Bi üsem ProAce isch d'Kühlaalag usgstyge. Z'ersch het's gheisse, mir chönni erscht nächscht Wuche s'Outo hole. Es isch im Outotempel gsy. Mir hei hüt zum Zmittag Spaghetti mit Fäderkohl u Tomate ggässe . I Gloub Hinech bruuchen ig de plöttzlech o ume luft... Nächdäm mir s'Zmittag ggässe hei, isch plötzlech d'Mäldig cho s'Outo syg scho fertig. Klar isch das gäbiger, de chöi mir am Mändig das mitnäh wo nötig isch...
Scho am haubi Füfi sy mir i "jardin d'été" uf Zäzi. S'Outo isch scho tuuschet gsy...Z'erscht hei mir es Apéro Plättli gha u später e Flammchueche. Beides isch fein gsy. Der M@i isch ersch cho won ig fasch am yschlafe bi gsy...
Zum trinke hei mir es Limoncello Spritz gha. Das isch: chlei Limoncello, Proseccho, Soda, es Blatt Münze u ne Schnitz Zitrone...Kurt het nächär no Gingerbeer gno. Är isch Heigfahre. I ha nümm möge...Vory han ig d'Medis gno u gah jetz de is Bett.