Der Pesche isch jetz zwo Wuche da gsy. Er isch zwöi Mal bym R. gy u eis Mal sy d'Grandmaman u ig mit ihm zu ihre go Zvieri ässe. Stell dir vor, das Groseli isch ungerdessi 97gi. Si isch no voll fit u da u me cha ganz guet mit ihre über Gott und die Welt rede.
Hüt isch s'ThaliRock gsy. Das isch es Rock Konzärt wo im Thali stattfindet. Am Afang sy d'Schüeler vom Dave Jutzi ufträtte. Syt kurzem göh d'Sarah u der M@i o zuen ihm. Es isch krass, der Ungerschyd z'ghöre nach einigi, wenigi Gsangsstunde. I bi richtig Stolz gsy im Fänklub z'sy vo myne zwöi erwachsene Kinder. Es wär Hinecht o no...i ha aber doch nümm möge...