Syt em Mittwuchabe han ig nümme gögget. I darf mi erhole.
Am Frittignami han ig dörfe go d'Fäde zieh. Aaschliessend sy mir zu Bläuer's im Rüegsouschache go Zvieri ässe.
Gester am Nami sy der David mit syne zwöi Kinder u der Ch. mit syne zwöi cho bade. Der Kurt het s'Mamie mit em Cabrio gholt. Mir sy grad d'Unger blybe. Wo der Stephan mit em Päscu und em Aiden cho sy het der Kurt alias Poppeli, der Grill aagfüüret. D'Flavia u d'Sarah sy cho nachdäm der Even erwachet isch. D'Flavia het e feini Züpfe gmacht u d'Sarah Salät u Dessert. No nes grosses MERCI derfür! Wo du der M@i no mit em Töffli derhär cho isch, sy mir komplett gsy u hei gly druf s'Znacht ggässe. Das het mir so guet tah, myni vier Kinder, mys Müetterli, der Pesche u my Schatz um mi um z'ha!
Hüt am Morge sy der Kurt u der Pesche i Gottesdienscht. I ha Daheime d'Rueh gnosse u ha ne Predig uf Youtube gluegt. Das isch so ne gueti Sach grad für Lüt wien ig wo nid so unger d'Lüt möge.
No ne gsägnete Sunndig!