I ha mi am ne wunderschöne Ort entschiede dä Ygriff doch z'mache. Es isch mir nid liecht gfalle. I bi o umgfalle...um's Schwümmbecki isch es rütschig gsy...My Maa und ig sy i nes Wellness Hotel u hei am Abe es Füfgängigs Gourmet Menü gnosse. Es isch mega fein gsy u mir hei beidi sehr guet gschlafe.
Nach em Zmorge sy mir no Mal go bade u nächär mit em Cabrio Hei gfahre.
Am Mändigmorgen am 08.05h han ig i d'Praxis vom Spezialist aaglütte u mi für en Ygriff entschiede.
Öppe vor ere Halbstund hei si mir vom Spital aaglütte, der Ygriff sygi für nächste Zischtig planet. Am Donnstignamittag tuet mir de der Narkosearzt aalütte um mit mir vo syre Syte här d'OP z'erkläre. Am Frittig chön ig vernäh um weli Zyt ig müess yrücke...