Gester han ig e stränge Tag gha. Am Morge am Nüni bin ig zur D. i d'Fuesspfleg. Es het mir guet tah!
Daheimen aacho, bin ig go liege. Bym Choche han ig Hilf gha u bi nächär ume go liege.
Am Zwöi hei der Kurt u ig Bym Osteoteam e Termin gha. Nächär sy mir zur R. go chille. I ha erscht am 16.30 Uhr e Termin gha bym Spezialist. Es geit um ne Ygriff wo schlussändlech verhinderet, dass ig immer wieder muess go punktiere. Är het üs das bis am 18.00 Uhr sehr guet erklärt. I muess mi bis am Mändig entscheide, öb ig dä Ygriff wott mache oder nid.