Hüt am Nami han ig fei es Programm gha: z'erscht zur Mamie, nächär i d'Apithek go Medis hole, nächär zum Huusarzt go Medis tuusche u schlussändlech zur C. i d'Osteopathie. Si het mir am Rügge fei lang desume drückt u glöst. Es isch wieder e Wirbu am gleite. Drum han ig es Schwächegfüehl im Bei.
Ja, dä Monet wärde mir jedes Wuchenändi müesse flieh. Si hei nach Jahre vor Rueh, ir Espace Halle ume Suuf u süsch Party. D'Basstön tüe aube üsi Gläser im Schaft lah klirre. Es geit aube fei wyt i d'Nacht yne. I bi aube säuber yne go lose was zum Bum-Bum ghört. Es isch aube so lut gsy, dass d'Lüt ir Halle per SMS hei zäme müesse kommuniziere.
Das Wuchenändi göh mir uf Winterthur a d'Afro-Pfingste. Am Samstigabe göh mir a nes Konzert vo re Kamerunerin. Mir wärde bis am Mändi dört sy u no Familie Bsüech mache.