Gester sy mir zrügg cho vom Tessin. Mir hei vorhär no ne Krankebsuech im Spital in Locarno gmacht.
Am Sunndig heige d'Heikehrer bis zu drüü Stund vor em Gotthard gwartet. Mir hei 40 Minute lang, im Schnäggetempo vo Quinto uf Airolo gha...Das het mi dermasse Müed gmacht, dass mir byr Raststette "Gotthard Süd" Fahrerwächsu gmacht hei. In Beckeried isch my Schatz ab der Outobahn u het bym Niedwaldnerhof zuechegha. Är het e Schytterhuufe ggässe u ig ha wieder e Mal es Yskaffi übercho. Mir hei's beidi gnosse! Mir si du öppen am Sächsi Daheime gsy. Hie isch es immer no am schönschte!
I ha im Momänt ume Müeh Stäge z'loufe. I ha Hüt Wösch u jedes Mal, wenn ig vor Wöschchuchi chume tüecht's mi i sygi mindestens 13 Stockwärk ufe gloffe derby isch es ei Stock...I dänke der Erguss het sech ume gfüllt. Es macht mi aber gar nüt aa, mi im Spital z'mälde für ne Punktion. I wett sogar säge: es stinkt u graust mir total!
D'Sarah het mir hüt am Morge zwöi Gmües Täschene bracht wo si sälber gmacht het. Mys Zmittag steit also scho! Sooo lieb, myni Tochter <3