Muettertag isch Hüt gsy...D'Sarah het KiGo gha u het mit de Kinder die schöne Rechaud Kerzli gmacht. Si het mir es halb Dotze dervo ggäh. Nach em Gottesdienst hei mir d'Grandmaman uf Biglen gnoh. Si het mega Fröid gha! Der M@i u d'Sabrina sy cho Zvieri näh u der Stephan het mir es Multipack Sanbitter bracht. Das het mi alles gfröit.
Mir hei scho packt. Der Kurt muess Morn am Morge no a nes Meeting mit Stehapéro. I hole ihn de nachdäm ig üsi Nichte gholt ha. Si chunnt o mit uf Dütschland, i Schwarzwald. Dört wärde mir zwöi Mal übernachte u fyyre
dört Y.'s Geburtstag. Es chöme de no Fründe u Verwandti. I mälde mi also nid vor em Donnstig wieder...