Gester bin ig scho wieder in Gunte gsy. S'Mamie het es Mittagässe mit de pensionierte Pastore, Pastorinne u ihri Partner. I ha d'R. mitgnoh u bi mit ihre zwöi Stund i d'SPA. S'Wätter isch nid schön gsy. Es sy zum Glück ussert em ne Maa, keni andere Mitbenutzer gsy. So hei mir chönne pläuderle ohni Öpper z'störe...Aschliessend si mir im Restaurant go Zmittag ässe.
D'Ärztin het mir am Mittwuch scho gschrybe. My Verdacht het sech bewahrheitet. Der Erguss isch dütlech grösser worde so, dass ig ne Hüt am Namittag gah go lah punktiere. I muess am 13.30 Uhr ir Tagesklinik sy. Der David nimmt mi grad zum Zmittag bi ihne mit u fahrt mi de uf Burgdorf. Der Kurt chunnt mi de, wenn ig nache bi cho hole. I wett es wär scho verby...