Eigetlech hät ig scho am Fritig sölle aalüte. Mir isch ja s'Handy us der Täsche ungere Byfahrersitz vom "Fröschli" gheit. (der grüen Trevis)
I ha du gester am Morge i d'Radiologie aaglütte u cha nächste Zischtig go nes CT mit Kontrastmittu go mache. Das han ig bym letschte Gspräch mit der palliativ Ärztin abgmacht. De gseh mir, was sech veränderet het u wiso mir myni Lunge Müeh macht: i cha knapp ei Stäge loufe ohni usser Pfuus z'cho u weh tuet si mir o. I tue de am 10. Mai mit der Ärztin telefoniere. Mir hei ke passende Termin gfunde wo mir üs hätte chönne träffe. I gah drum Tagewys mit mym Maa furt. Morn göh mir bis am Samstig a Thunersee. I freue mi riiiisig. I nime de der Laptop nid mit.