Am Mändig het der Pesche gmeint:"Grandman Zvieri" Ja, das hei mir gmacht. Mir sy uf Grosshöchstette u hei im Landblick Tearoom mit der Grandmaman s'Zvieri gnoh. Am Füfi isch Daheime Bsuech cho. Der R. u d'E. sy cho Znacht ässe. Es isch es gmüetlechs Zämesy gsy als Dank für sys mitspiele uf den Ufnahme.
Geschter han ig s'Zmittag ghulfe koche. I ha Gschwellti grüschtet u dervo e Rösti gmacht. Das isch grad chly z'viel gsy, drum han ig grad müesse gögge... Der M@i het zum Glück ghulfe u het Gmües u Pilze für d'Sauce gschnitte. Nach em Ässe u Häreliege isch es ume besser gsy, drum sy mir mit em Copen uf Konolfinge is ikut gfahre. Dört hei mir bastlet u Zvieri ggässe u sy nächär ume Hei. I bi go liege. Am Sächsi sy mir mit em Kurt zäme uf Lützuflüeh go bade. Uh, het das guet tah!
Hüt het der Pesche mit öpperem chönne uf Zollbrügg rytte. Er het fröidig der Tag mit em R. chönne verbringe. I ha am Nami ume dörfe ne wohltuendi Lymphdrainage uf mym Bett gniesse u ha dörfe blybe liege. Das het grad dopplet guet würkt. I bi Hinecht o rächt müed u wirde äuä gly Mau ungere gah...