Gester am Abe sy der Kurt u ig a der Stabsübergab vor Leitig bi Baumann-Eggimann. Es sy gäg di 300 Lüt yglade gsy - Am Frittigabe isch es gsy. D'Ladina Spiess het s'Ganze moderiert. Der Peter Wild het zwüsche de Gäng vom feine Znacht e Komiknummere bracht. Es isch cool gsy a sym Tisch z'hocke. D'Dads Band vom Bene Müller u drü vo syne Junge het üs immer wieder mit beschtem Jass erfreut. I bi näb der B. gsässe. Mir hei se um di Eis am Morge Hei gstellt. I ha's so lang usghalte.
Hüt am Morge isch wieder alles winterlech wyss gsy.
Hüt am Morge han ig ir BPlus Burgdorf übere Livestream am Gottesdienst teilgnoh. M@i u Sabrina sy cho Räschte zum Zmittag ässe. Am Drü sy mir uf Höchi go der Even fyyre. Är het ja wi d'Jael am letschte Mändig Geburi gha. Es het feini Züpfe mit Rohschinke, Späckbrötli, Dips, Chips, Öpfustreuselchueche, Ärdbeeri, Vanillsauce u z'trinke ggäh.
Am 16.30 Uhr hei U. bi üs gwartet. Si sy ume ir Espace Halle am ne Match vo ihrem Änkel gsy. Mir hei zäme braschtet u nes Gläsli Wyy trunke.
Hinecht isch es früehligshaft warm u vom Schnee gsehsch nüt meh.