Vorgester isch es mir scho am Morge schlächt gsy. D'Frou N. vom MPD isch ume eis bi mir gsy. Si het mir empfohle, mi bir Ärztin in Burgdof z'mälde. Die isch nid ume gsy u het mir aber grad vory zrüggglütte. I ha mit ihren abgmacht, dass ig d'Tröpfliazahl gäge z'Schlächtsy cha erhöche.
Geschter han ig e guete Tag gha won ig nie ha müesse gögge. Am Namittag isch d'M. scho ume bi mir gsy. Si het mir e Lympfdrainage gmacht vom Kopf, Äcke u Thorax. Das het mir sehr wohl tah. I ha am Abe sogar möge a Vereinsabe vor BewegungPlus Konolfinge. Es isch e schönen Abe gsy!
I ha eigetlech als Titu gha: "hüt isch es ume besser" Dä muess ig no ändere...I ha vory müesse de Chräje rüefe. I weiss würklech nid a was es chönnti liege, dass es mir eifach schlächt wird. Vo de Medis här sött's nümme sy. I nime die doch scho lang...Es cha äbe sy, dass der Erguss i mym Lungefäll e Dräiig i mym Oberkörper verursacht u der Mage dür das greitzt wird.
I ha eigetlech wölle go bade u i d'Sauna gah aber das lahn ig la sy...
I wirde aber go Copen fahre u fröie mi druf!