Jedes Mal, wenn ig gmeint ha i syg wieder uf em Damm, het's ume nümm wölle und ig ha wieder erbroche. Am Wuchenändi hei mir üs beidi still gha. Gester am Abe isch d'EVP Biglen bi mir gsy. D'M. het feini Lasagne gmacht. Eini für Vegis u di anderi "normal". Si het no feine Salat derzue ggäh u zum Dessert, Zitronecake. Z'Trinke het si o gnueg mitbracht...I bi zwüschyne no chly uf d'Massageliegi gläge.
Hüt hät ig sölle Bsuech ha vor Cousine vor Grandmaman, ihrem Maa u ihrem Brueder. Nachdäm ig erbroche ha, han ig ihne gseit si sölle doch eifach is Altersheim u mit ihre i d'Cafeteria.
So, s'Zmittag isch mir blybe. I mag eifach nid viel ässe. Hüt hei mir Räschte ggässe.
Letscht Nacht het's e chly grägnet. Es sött no meh, Hüt isch so komisch Wätter. Es sygi Saharastoub ir Luft. Uf em Biud tüecht's mi, me gsäch das gälbleche ir Luft...