Geschter het üs d'R. ume Znüni bracht. Si het mir ghulfe Wösch häiche u het nächär no d'Grandmaman gholt. I bi am Namittag z'erschte Mal ume Outo gfahre u bi mit em Mamie uf Burgdorf i d'Osteopathie. Es het ihre guet tah. I ha am Abe bym Knabbere en Egge vom ne Zahn usebisse. Es isch megascharf gsy u het mir d'Zunge verletzt...
Hüt am Morge früeh han ig bym Zahnarzt aaglütte u ha am Elfi hurti chönne go das Scharfe abschlyfe. Es isch e churze Chut gsy. Es isch e Bitz vo re Füllig vom Zahn wo mir letschthin weh tah het abbroche gsy. Es isch nid e Mal Füf Minute gange u scho bin ig dusse gsy. Am Nami bin ig so Müed gsy, dass ig gar nüt ha möge mache. I ha gägen Abe es Telefon übercho, myni nöii Brülle syg fertig. I ha mega Fröid dranne! Mir sy das hurti bym Hedy is Bahnhöfli go fyyre...