Ja, es isch wunderschön gsy, im Oberland. Am Samstig sy d'G. u der R. cho Zmittag ässe, Bistro im Alpenblick. O we's nid gourmet isch, isch es uuufein gsy.
Gester sy mir in Sulwald gsy. Der E. u d'K. wohne dört. Zum Hei cho het der E. mit em Puur gredt wo d'Obe buuret u nächär abe fahrt. De sy mir ohni Liecht, bi wunderschönem Stärnehimmel mit em Gondeli abegfahre. Das isch ydrücklech gsy. Es het vo Isenfluh uf Sulwald zwöi Gondeli. Eini geit ufe, di anderi chunnt abe. het fei viu Schlittler gha wo ar Talstation uf se wartet. Die letscht officielli Bahnfahrt isch am 18.30 Uhr. Mir sy du zwöi Stunde später mit em Buur ab. Mir sy im wahrschte Sinn vo Wort schwarz gfahre. Es isch aber es wunderschöns Erläbnis gsy.