Gester het mi der David uf Burgdorf i d'Oberstadt gstellt. I ha am Zähni e Termin gha byr C. Si het mir ume d'Wirble chönne löse e so, dass d'Hernie nümm so fescht drückt. D'R. het mi dört abgholt u zu sich gnoh. Mir hei mit ihrne füf Tageskinder Zmittag ggässe. I bi fasch di ganz Zyt uf der Polstergruppe gläge. Am Vieri sy zwöi Kids abgholt worde. Gly druf, hei mir eis Hei gstellt u d'R. het mi uf Burgdorf gstellt. I bi e ganzi Stund z'spät ir Radiologie gsy. Si hei mir zum Glück Hüt no ne Termin gha für am 15.40 Uhr. D'Sabrina het Spätdienst gha. Si het mi mitgno drum bin ig chly z'früeh dört gsy. D'Spitalseelsorgerin isch no zu mir ghöcklet u das het guet tah. I bi nächär i d'Radiologie abe. Am Vieri hei si mi gholt u hei mir z'erscht e Leitig gleit. Byr zwöite het's du klappet. Am viertu ab Vieri bin ig i d'Röhre cho. Nach ere Stund hei si mi use zoge u hei mir Kontrastmittel yneglah u mi nächär no Mal e halb Stund ynetah. I ha nächär mit em A. dörfe Heifahre, nachdäm ig ihn gfragt ha gha öb är mi am Fyrabe würd mitnäh. Sogar är het ir Radiologie nachegfragt gha, öb mit mir alles ir Ordnig syg. Si hei ihm du gseit, der Arzt heigi halt no spezielli Wünsch gha. Drum isch es so lang gange. Hinecht bin ig gärn Daheime.