Mir wohne scho im ne wunderschöne Land!
Syt em letschte Ärztetermin han ig mi gwagt, trotz Schmärze z'loufe. I bi scho no rächt gwaggelig, drum loufen ig nume wenn öpper umen isch. Vorgester hei mir zum Znacht Bsuech gha vo R. u H. Si het Salat u feini sälbergmacht Cremeschnitte mitbracht. Der Kurt het Entrecôtes double u derzue Knödel mit Späck gmacht. Es isch e gmüetlechen Abe gsy. D'R. isch bi mir im Tageszimmer näb em Bett ghöcklet u mir hei enang vo früecher verzellt. D'Manne sy am Tisch blybe u hei bym ne Gläsli Grappa Mannegschpräch gfüehrt.
Gester sy my Schatz und ig am Morge uf Lützelflüeh is Solbad. Das het e so guet tah im warme Wasser richtig düre z'bewege! Am Nami isch d'P. uf Bsuech cho. Der Kurt het e mega feine Sparguchueche u vorhär vom feine Knödelbouillon gserviert. Der M@i, d'Sabrina der P. u d'J. sy üs cho ylade i di offeni Cantina eis cho z'zieh. Mir sy alli zämen Abe. I bi also Gester zwöi Mal di ganzi Stägen ab und uf. Hüt han ig derfür starche Muskelkater.
I gah jetz go Zmorgen ässe u ha im Sinn umen eis uf Konolfingen i Gottesdienst z'gah.