Eigetlech hät ig scho am Frittig dörfe uf e Notfall gah. I ha z'ersch sofort gseit, i wöll nid opse. I bi aber ungerdessi nümm sicher, öb ig nid glych söll. Wenn ig nid tue, de wirden ig nümm us em Rollstuehl cho. O d'Infiltration isch öppis heikels wo o rächt weh tuet. Im Momänt isch e gwüssi Schwächi im Bei u no ke würklechi Lähmig. Aber je länger ig warte, je gfährlecher wird's glähmt z'sy u s'z'blybe. Hüt han ig rächt Schmärze gha. Am Nami han ig Bsuech gha vor G. u em J. Das het guet tah usz'tuusche u si hei no für mi bättet. My Maa het Hüt o fein gkochet gha: zwöi Poulets im Ofe u drunger, Härdöpfu u Gmües. Der Miggi het no Salat gschnitte wo mir derzue ggässe hei.Hinecht het er Räschte verwärtet: Spaghetti mit em Räschte Fondue vor Gester Abe u Cherry Tomate drüber.
Der R. isch syt gester Abe da mit sym Kolleg.
.