Hüt am Nami bin ig mit mym Schatz zur G. u zum R. go ne Bsüechli mache. Chum sy mir dört gsy het mys Handy tschäderet. Es isch d'Ärztin gsy wo mir versproche het gha aaz'lütte für mir z'säge, was mys Problem isch.
I HA NE DISKUS HERNIE UF DER HÖCHI L2/L3. Vo L3 aa bin ig bis zum Steissbei mit Schrube u süsch Metal verstyft. Drum hets obe draa lah gah...I chönni uf e Notfall cho u de tüege's de d'Orthopäde u d'Chirurge aaluege. Wäg myre Lähmig im Bei würd si mir d'Operation empfähle. I ha grad gseit, das wöu ig nid. Wenn ig jetz süsch gsund wäri, de wär's öppis anders. I weiss ja nid wi zwäg myni Knoche dörte sy u o d'Hut isch vom Bestrahle här, uf dere Höchi nüm so zwäg. Si het no mit der Schmärzärztin gredt u het mir no Mal aaglütte. I söll mir überlege wi's wär e Kortison Therapie z'mache. I ha im Sinn am Mändig mit ihre z'luege e Kortison Infiltration diräkt a Närv wo d'Hernie druf drückt. I ha no gnueg Medi für mi übers Wuchenändi z'sediere...I bi Hüt sogar einigi Meter mit de Krücke gloffe u bi Siebe Tritte Stägli uf und Stägli ab...