Vorgeschter hei myni Kinder dä wunderschöne Struss für mi entgägegno. Dä isch vo re Marlise wo syt 15 Jahr in Afrika/Ghana läbt. I möchti mi uf däm Wäg härzlech derfür bedanke. I ha mega Fröid dranne.
Geschter han ig Bsuech gha vo öpperem liebs won ig scho länger nümm gseh ha gha. O si het mir e wunderschöne Struss bracht wo der Bluememaa äxtra für mi gmacht het.
Am Zischtig bin ig mit mym Schatz i d'Bärge go Fründe bsueche u o das het mir guet tah.