I tue nume no all zwe Tag im Blog schrybe…
Am Samstig hei mir ersch am Vieri öppis los gha. D'I. u der M. sy zu üs cho. D'Manne sy du uf di 17.30Uhr uf Ostermundige id Pizzeria Mama Mia go s'Znacht hole. Der Pizzajolo het 40 Jahr in Italie gläbt bis är vor öppe füf Jahr hie häre zogen isch. I muess säge syni Pizzas sy phänomenal guet!
I ha zum Dessert en exotische Fruchtsalat gmacht. Es isch e gmüetlechen Abe gsy, wi scho am Frittigabe. Was aber weniger gmüetlech isch gsy, sy d'Nächt dernah. I cha eifach nach em ne feine Znacht nüm guet schlafe!
Hüt sy der M@i, d'Sarah u d'Grandmaman bym Zmittag da gsy. Si hei üs ghulfe Räschten ässe. Es het zur erschte Vorspys di führigi Pizza vo gester ggäh. Zur zwöite Vorspys han ig e feine Salat us Avocado, Brüsseler , Crevette u Cocktailsauce gmacht. Der Päscu isch ume mit em Zivilschutz am Skirenne in Adelboden am Verkehr Regle gsy u d'Sabrina het gschaffet. I bi dankbar, dass mys Mamie zu mir darf cho u nächär nid i Quarantäne muess gah.
I ha hüt am Nami Fenster zum Sonntag u der Livenet Talk mit em NAU- Halleluja Kolumnist gluegt. I finde dä e coole Typ wo's ganz mängisch glych wien ig gseht u das no guet cha usdrücke. Mir göh scho gly Mau is Bett.