Es isch früecher undänkbar gsy, dass ig Tagelang nid vo Huus gah. Jetz isch es normal worde für mi. I gah nid i Läde, das überlahn ig der Familie. I bi froh git's das App: "Bring". I schrybe dryy, was ig bruuche u de cha's dä oder die vor Sippe ychoufe wo grad am ychoufen isch u is App luegt...
Es chöme immer wieder Chärtli , WhatsApps, Telefons, kurzi u längeri Bsüech oder äbe Päckli vo liebe Fründe u o nid so bekannte Lüt wo a mi dänke. Geschter isch es grosses Päckli cho per Post. I ha mega Fröid a dene schöne Blueme. I bi viel allei u füehle mi doch nid allei. I wott mi hie wieder Mal härzlech bedanke!
I ha vory grad e Brate i Ofe tah. Mir hei Hinecht Bsuech. I freue mi druf.
Im Momänt han ig lieber Bsuech als, dass ig vo Huus müessti. De chan ig eifach abliege, wenn ig nid mag syy.
I ha scho syt einige Wuche Problem mit myre Kopfhut...es tuet mir weh u bysst zwüschyne. I ha so blödi Bybeli. Eis isch scho länger da u het sech ir Farb u Grössi veränderet. I wirde's de der Ärztin zeige, am Zischtig...