Gester isch ja Sunndig gsy. I bi Daheime blybe. Der Kurt isch mit em Pesche i Gottesdienst. D'Grandmaman het nid dörfe gah. Süsch muess si wieder i Quarantäne...Am Mittag u Namittag isch es ruhig gsy, hie. Nachdäm mir der Pesche ume is Bärou bracht hei, sy mir zu Thürs go s'Dessert ässe. Si het feini Waffle gmacht u derzue het's Mövenpick Glace ggäh. mmmh! isch das fein gsy!
Daheime aacho han ig no nes Bad gnoh. I bi no so müed gsy vo de letschte Täg, dass ig nid ha chönne yschlafe. I bi du abe go Fernseh luege.
Mys Handy isch usgstyge. Es isch mir Vorgester us em Täschli uf d'Steistäge gheit, syder isch es nume no schwarz. Es geit nüt meh...
Hüt am Mittag isch d'Sarah da gsy. Si het ne Räschte Chäschueche mitbracht und ig ha no Nüssler grüschtet u gwäsche. Für üs zwöi hets guet glängt. Am Nami bin ig mehrheitlech gläge. I muess mi vor stränge letschte Wuche erhole...
Hinecht tuet mir di Rueh grad guet!