Am Abe vorhär isch der R. us Litoue cho u het ume zwe Bärge vo ihrer Fasnachtschueche ähnleche Spezialität mitbracht. Er het mit üs wölle Silvestere. Am Morge si d'Manne zäme uf Muri go poschte. Am 11i isch d'H. cho aastosse. E Viertu Stung später isch der H. u syni Frou M. cho. Am eis isch no d'M. cho. E Fründin vor Usbildig in Züri. Si isch mi o scho cho bsueche. Mir hei zäme ustuuscht u zäme glachet.
Wo si gange sy, het my Schatz mit choche aagfange. Er het Sösseli gmacht u nächär afa Fleisch schnyde. Ab de 15.30 Uhr sy üsi Gäscht afa ytrudle.
Öpper vo de gladne Gäst isch leider i Isolation u het nid chönne derby sy. Es isch e schönen Abe gsy mit Tischgrill, Pommes u Salat. Später hei mir no s'Dessert gnosse: Merängge, Doppelrahm u feine Orange - Dattle Salat. Zum Prosecco het's no Rotwy ggäh. Gäge Zwölfi si mir mit de Chämpisgläser Abe. Di Junge wo ir Cantina si gsy si o use cho. Der Pesche het e grosse Vulkan abglah. Di letschte vo hie sy ersch am zwöi is Bett u der F.u K. sy denn no Hei gfahre.
Am Morge han ig tatsächlech bis am Achti chönne schlafe. Der H. u d'R. sy nach em Zmorge gly Mau gange. Nach em (Räschte)Zmittag isch o der R. ume richtig Litoue gfahre. Am Vieri sy M. u d'T. mit em Zvieri/Znacht cho. E deckte Chuche mit Thon u Pepperoni u ne feine Salat derzue. Hüt chöme der ganz Tag Bud Spencer u Terenz Hill Filme, zur Fröid vom Pesche.