Am Mittag hei d'T. u der M. e oberfeini Lasagne mit Chicorino Rosso, Burewurst u Späck drinne bracht. Zum Dessert het's e feine Fruchtsalat ggäh. Si hei mit üs ggässe u sy Hei gange nachdäm si üse Stephan mit Familie begrüesst hei. E Viertu Stund später sy der David u syni zwöi Kiddies o no cho. Gäge Füfi isch der M@i nume kurz cho u d'Sabrina isch länger hie blybe. Der Stephan isch vory go der Gfrierer plündere u het für alli Pizzas, Fischstäbli u Pouletnuggets gmacht. I ha mega Fröid alli z'gseh u gniesse myni Grosskinder.