Am Frittig het der Kurt i dere Zyt won ig bi go singe, in Bärou der Pesche gholt. Är isch für zwo Wuche bi üs i de Ferie.
I ha nid so guet gschlafe gha u bi gester Morge glych scho am Sächsi hällwach gsy. Wo üs der Pesche het ghört abe gah, isch er o grad uf u d'Stägen ab zum Zmorgetisch. Der Kurt het no bis am Elfi müesse schaffe. S'Fleisch isch aatout gsy u somit guet i mundgrächte Stückt ghoue worde. Es sy alli cho, inklusiv Grossvater Kurt senior u Grandmaman das heisst, mir sy also total 18 Lüt gsy. Es hei alli zum feine Zmittag/Znacht bytreit, mir hei Tischgrill gmacht mir verschiedene Sauce, Coleslaw u Pommes zum Dessert het's es Mango u nes Kaffi Tiramisu. Es isch megaschön gsy. Ja, d'Grandmaman seit das o geng: es isch my Ryychtum, e so ne schöni Familie u ke Spannige. I liebe myni Sippe <3
Am Abe bin ig knüttu gsy, aber voller Dankbarkeit.
Hüt am Morge sy mir ei Stund später als Gester uf. Der Pesche liebt's vor em Fenseh z'hocke. Syni lieblingsfilme sy: Heidi, Bud Spencer u Terence Hill u Michel von Lönneberga. Üsi Frunde wäre der ganz Tag im Näbel gsy, drum het se der Kurt zu üs yglade. Es het geng no gnue Fleisch, Sauce, Pommes gha für üs füf. Si sy vory grad alli gange. Der H. u d'R. Hei u der Kurt u Pesche i Wiehnachts Gottesdienst i d'BPlus Konolfinge. I bi gspannt, was si de verzelle.