Geschter han ig der ganz Tag z'Gfüehl gha, i müess mi erhole...Vor em Mittag sy der Stephan, d'Flavia, ihres Tagesmeitli u der Even uf Bsuech cho. I bi so froh gsy, sy si grad zum Zmittag da blybe. D'Flavia het mir ghulfe mit Räschte wärme. Der Stephan isch di grosse Buebe go hole u het no grad e Räschte feini sälber gmachti Gmüessuppe bracht.
Es sy so schöni Gschänk i däm wundervolle Adväntskaländer vor BPlus Konolfinge. I ha jede Tag mega Fröid!
Scho gly gahn ig mit myne vier erwachsene Kinder zum D. Är isch Gsangslehrer u wird üs hälfe, wie üsi Stimme byr Ufnahm vo üsne Lieder yz'setze. Wär, wenn, weli Stimm singt...I bi scho ganz ufgregt, wenn ig draa dänke...