Gester hei mir der Guetschyn yglöst won ig vor Fachkommission Integration übercho ha. Am Donnstig bin ig nach em ne Tag liege a d'Sitzig. I ha denn no es Blüemli übercho. Der Guetschyn han ig scho länger übercho gha. Es wär gsy für ne feins Nachtässe mit em ne Apéro vorab im Esswerk6, mit mym Schatz. I ha dört aaglütte u gseit, dass ig am Abe nümm so chönni ässe. Drum sy mir am Mittag häre. Mir sy du z'sächste höch dört gsy, hei haut no öppis druf zahlt...
Zum Apéro hei mir e feine Wyyse Hallauer gha, derzue e grösteti fein gwürzti Nussmischig, Poppadoms (Linsechips) u Vollkornstängle. Us erste Gang het's e feine bunte Blatsalat ggäh o mit em ne Vollkornstängel u Orangebitzli. Nächär het's es Töpfli Feini Kürbissuppe mit chly Chilliöl. Als Houptgang hets es Schwynssteak uf nöiie Härdöpfeli mit Gmües mit ere feine Chrüttersauce u Jus, derzue feine Rotwyy. Zum Dessärt het's e liechti Mascarponecreme ggäh mit fynem Magebrot u zum abrunde, es Kaffi. D'Manne hei no ne Coing gnoh.
Da mir das Jahr wäge Corona nid chöi es Wiehnachtsässe mit de Mitarbeiter vor
Bude mache, bin ig am Nami mit em Kurt no uf Truebschache zum Kambli go poschte. Mir sy nächär beidi kaputt Hei go liege...
Es isch so ne spannende Adväntskaländer, es grosses M E R C I myne Liebe vor BPlus Konolfingen!