Gester het mir der Onkolog aaglütte für mir z'säge, dass är myni Entscheidig akzeptieri. I gah nächst Wuche zu ihm u wirde mit ihm u mit ere spezialisierte Ärztin in Palliative Care my wyter Wäg diskutiere.
Zum Zmittag het d'Sarah mit em räschtleche Brot vom Frittigabe, Voguhöi mit Zibele, Späck, Pilze u Tomate gmacht.
Am Nami han ig mit der Schmärzärztin wäg myre Medikation gredt u si het mir zum Palexia zuesätzlechi Schmärztropfe u no settigi gäge z'Erbräche verschrybe.
D'M. isch mi zum ne Tee cho bsueche. I ha se tatsächlech meh als es Jahr nüm gseh gha.
Der Kurt u ig sy bim R. u der S. zum Znacht yglade gsy. Es isch mega fein gsy u ne ganz gmüetlechen Abe gsy.
Hüt am Morge han ig vo lutter Telefons myni Livenet Pouse verpasst. I ha's aber uf Youtube chönne nacheluege. Das isch e gueti Sach!
Zum Zmittag isch der M@i cho hälfe choche: feins Pouletgschnätzlets mit Gmües a Kokosmilch, gwärmts Rys u Teigware u ne Nüsslersalat mit Späck u Ei.
Hinecht hei mir hie bi üs d'Chlygruppe.
Es schneit jetz würklech syt am Morge non stop...
I gniesse's jede Tag dörfe nes Päckli usz'packe...