Ja, warum wyt gah, we me ir Nächi so schöni Wiehnachtsmärite cha bsueche. I ha ja scho Gester vor der Ladiesnight e Test gmacht gha. Der Stärnemärit het me nume mit Zertifikat chönne bsueche. Scho zum go Zmittag z'ässe hei mir das bruucht. Mir sy alli zäme vo Biglen uus mit em Auris is City West go parkiere. Vo dört uus sy mir is Vapiano go Zmittag ässe. Das isch bir früechere Schanzepost. Vo dört uus sy mir uf e Weisehusplatz übere Bärner Wiehnachtsmärit. I ha dört e Schlaftee postet. I ha du gly nümm möge loufe, so sy mir i nes Restaurant zwüsche de zwe Märite. Is Williams Butscherstable. Ja, mir hei i re Metgerei, üsi Latte Macchiato u Cappucino bstellt. D'Sarah het du mit ihrer Bstellig vom ne Huusgmachte Glüehwyy, üsi Ehr grettet...
Da s'zwüschedüre grägnet het, isch der Stärnemärit nid all zu voll gsy. I ha dört verschiedeni Wiehnachtsychöuf chönne tätige. Ussert em ne Bäretrunk (Glüeh Gin) han ig nüt möge konsumiere, i ha no gnueg gha vom Zmittag. Es isch schön gsy, mit myre Tochter u allne Schwiegertöchtere dä Usflug z'mache. I liege syt üsere Heikehr so um di Sächse...