Gester han ig Bsuech gha vor E. Si isch a ne Match vo ihrem Änkel i d' Espacehalle u het vorhär mit üs Zmittag ggässe. Der Kurt het wieder einisch superfein gkochet: e Tintefischsalat mit Pepperonis, Blattspinat, Zibele, Olive u Härdöpfu s'Ganze a re feine Italienische Salatsauce mit viel früschem Olivenöl wo mir vo Griecheland mitbracht hei. Es isch e langjährigi Fründschaft wo üs verbindet u das tuet guet die z'pflege.
I ha gäge Abe nid möge mit em Kurt a Höchstetter Wiehnachtsmärit gah. Är het du zwöi Märitwürstli bracht wo mir zäme ggässe hei.
Hüt am Morge bin ig ume eis per WhatsApp Video im Gottesdienst gsy. S'Thema isch gsy: In der Krise Sicherheit finden. Es isch der Afang vo re Predigt Serie düre Dezämber: Sorgen um Morgen? Die Weihnachtsgeschichte für Leute von Heute.
Me cha se uf der Syte bewegungplus-konolfingen.ch lose.
I ha Hüt en Adventskaländer vo vielne vor BPlus Konolfingen übercho. Si hei das
i de letschte Wuche ohni mys Wüsse für mi gmacht. Das tuet mir guet mi vo so vielne Gschwüschteti im Gebät treit z'wüsse u derzue no beschänkt z'wärde.
Der M@i u d'Sabrina hei mit üs Zmittag ggässe. Am zwöi si mir zäme uf Grosshöchstetten go d'Kinglets lose. Si hei ir Bahnhofhalle gsunge. Es het viel
Lüt gha wo sy cho lose. Es isch ganz schön gsy!