Gester isch d'C. uf Bsuech cho. Mir hei zäme s'zähte Schueljahr ir Froueschuel Bärn gmacht. Mir hei üs chly us den Ouge verlore gha u hei üs letscht Jahr ume troffe. Si isch zum Zmittag cho. I ha mir's eifach gmacht, ha ne Maissalat grüehrt u Fertigpizzas i Ofe gschobe.
Nach em Zmittag hei mir zäme 24 Päckli gmacht für ne Adväntkaländer für myni Tochter.
Hüt am Morge isch der Even bi mir gsy. Der David isch hurti mit em Noé zum Znüni verby cho. Zum Zmittag sy Thürs mit em Aiden u eim vo ihrne Tagesmeitli cho ässe. Der M@i u der Kurt sy o da gsy.
I bi der ganz Nami gläge. Jetz gahn ig de mit mym Schatz no uf Konolfinge a Wiehnachtsmärit.